స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి' (Krishna Mukunda Murari). ఈ సీరియల్ శనివారం నాటి ఎపిసోడ్ -479 లో.. మీరా కల్లు తిరిగి పడిపోవడంతో తనని చూడడానికి డాక్టర్ ని తీసుకొస్తారు. మీరా ప్రెగ్నెంట్ అని డాక్టర్ చెప్పడంతో ఇంట్లోని వాళ్ళంతా షాక్ అవుతారు. ఇక ఆదర్శ్ కోపంతో ఊగిపోతాడు. ఆదర్శ్ దగ్గరికి భవాని వెళ్ళి .. చెంపచెల్లుమనిపిస్తుంది. ఎంత పని చేశావ్ ఆదర్శ్.. నీకు ఇష్టం ఉందనే కదా పెళ్ళి చేస్తామని చెప్పాం..‌ కానీ పెళ్ళికి ముందే ఇలా చేయం తప్పు అని ఆదర్శ్ పై భవాని ఫైర్ అవుతుంది.

ఇక ఆదర్శ్ ని భవాని ఎడాపెడా తిడుతుంది. కానీ అదర్శ్ మాత్రం ఎమోషనల్ అవుతాడు. మీరా కడుపులోని బిడ్డకి నాకు ఎలాంటి సంబంధం లేదని ఆదర్శ్ చెప్పడం మొదలెడతాడు. నేను నీ కొడుకుని.. నీ మీద ఒట్టేసి చెప్తున్నాను అమ్మ‌.. నాకు‌ ఆ కడుపుకి ఏం సంబంధం లేదని అదర్శ్ చెప్తాడు. దాంతో భవానికి బుర్రపాడవుతుంది. నేను ఇష్టపడ్డ  ముకుంద నాకు దూరం అయింది.. మీరాని పెళ్ళి చేసుకుందామంటే ఇలా జరిగింది నా జాతకమే ఇంతా అని ఆదర్శ్ బాధపడుతూ వెళ్ళిపోతాడు.‌ భవానికి ఏం చేయాలో తోచదు. మరోవైపు కృష్ణ తన పుట్టింట్లో ఉన్నా ఫుల్ టెన్షన్ పడుతుంది. ఇక అప్పుడే ప్రభాకర్ అతని భార్య కలిసి రకరకాల పండ్లు తీసుకొని కృష్ణ దగ్గరికి వస్తారు. కృష్ణ చూసి భాదపడుతుంది. ఎందుకు కన్నీళ్ళు.. నిజం చెప్పు అని ప్రభాకర్ అడిగితే మాట దాటవేస్తుంది కృష్ణ. ‌ఏం లేదని.. మీరు చూపించే ప్రేమకు కన్నీళ్ళు వస్తున్నాయని కృష్ణ కవర్ చేస్తుంది.

ఇక మరోవైపు ఇంట్లో అందరు ఒక షాక్ లో ఉంటారు. అసలు నీ కడుపులో బిడ్డకి తండ్రి ఎవరని అందరు కలిసి మీరా అలియస్ ముకుందని నిలదీసేసరికి.. ఈ ఇంటి వారసుడి రక్తం నా కడుపులో పెరుగుతుందని మీరా అంటుంది. దాంతో అందరు మధు వైపు కోపంగా చూస్తారు. దాంతో నాకేం సంబంధం లేదని మధు అంటాడు. ఎవరని భవాని ప్రశ్నించగా.. మురారి అని మీరా చెప్పేస్తుంది. దాంతో ఆదర్శ్ కుప్పకూలిపోతాడు. ఇక మురారి కోసం మధు ఇల్లంతా వెతికి వచ్చి.. లేడని చెప్తాడు. ఇంకేముంది పారిపోయి ఉంటాడని ఆదర్శ్ ఇష్టం వచ్చినట్లు మాట్లాడతాడు. నా కొడుకు అలాంటివాడు కాదని  రేవతి, ఎవరి గురించి ఏం మాట్లాడుతున్నావో చూసుకొని మాట్లాడమని మధు అంటాడు. అసలు మురారి ఎటు వెళ్ళాడు? మీరానే ముకుంద అనే నిజాన్ని కృష్ణ బయటపెట్టగలదా.. భవాని ఏం చేయనుంది లాంటి మలుపులతో ఈ సీరియల్ ఉత్కంఠభరితంగా సాగుతుంది. అసలేం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.